आरती गुरूदत्ताची

आर्त विनवणी करू गुरूदत्ताची
ब्रम्हा विष्णू महेशाची
आर्त विनवणी करू गुरूदत्ताची ||ध्रू||

ब्रह्मदेव सृष्टी रचितो
श्रीविष्णू पालन करितो
महेश संहार करी, पुनर्निर्मितीसाठी
आर्त विनवणी करू गुरूदत्ताची ||१||

शंख चक्र कमंडलू धरीले हाती
खांद्यावरी झोळी, भस्म असे माथी
देवा दत्ता भिक्षा घ्या गरीबाघरची
आर्त विनवणी करू गुरूदत्ताची ||२||

जटाजूट घन केशसंभार
रुद्राक्षमाळा गळाभरोनी
  गोश्वानासह त्रैमुर्ती अवतरली
     आर्त विनवणी करू गुरूदत्ताची ||३||
 
      कवी: सचिन बोरसे उर्फ पाषाणभेद (दगडफोड्या)

दत्तगुरुंचे छायाचित्र महाजालावरून साभार!

५ टिप्पण्या:

श्रेया म्हणाले...

आजच्या दत्तजयंती निमित्ते भक्तांना खास आरतीची मेजवानी.

शिरीष म्हणाले...

दत्तगुरुंच्या चित्राला छायाचित्र म्हण्णे म्हंजे रंगचित्राला भासचित्र म्हणण्यासारखेच काहीसे...

उर्मी म्हणाले...

आरती म्हणून पाहिली. छान जमली आहे.

Gangadhar Mute म्हणाले...

|| दिगंबरा दिगंबरा श्रीपाद वल्लभ दिगंबरा ||

क्रांति म्हणाले...

जय जय गुरुदेव दत्त! भक्तिरसानं ओथंबलेली आरती आवडली.