सहवास....

एक क्षण असा...
मौनालाही बोलते करणारा,
नि:शब्द शांततेला...
हळुवारपणे छेडणारा...!

अलवार स्पर्श हा तुझा, प्रिया तुझाच सैलसा...,
फुलतो कसा शहारा..., अंगावरी अन गोडसा...! प्रिया तुझाच सैलसा..... १

एक क्षण असा...
अव्यक्तातून व्यक्त होणारा,
मुग्ध भावनांना...
हलकेच गोंजारणारा....!

धुंदावल्या कळ्यांना, अन छेडतो तो मारवा,
अशी तुझ्यासवेच मी, अन धुंद त्या चांदण्या..! प्रिया तुझाच सैलसा..... २

एक क्षण असाही...
शब्दांनाही नि:शब्द करणारा,
अबोल लाजर्‍या फुलांना...
हजार जिभा देणारा...!

कळल्या मुक्या फ़ुलांना, अन भावना मनीच्या...,
सामावले तुझ्यात मी..., मनमोर तृप्त जाहला...! प्रिया तुझाच सैलसा... ३

तो क्षण, कसा बेभानसा...
सर्वस्व विसरवणारा..
तुझ्यासवे रमताना
तुझ्यातच विरघळणारा...!

कवी: विशाल कुलकर्णी

३ टिप्पण्या:

सुहास झेले म्हणाले...

एक क्षण असाही...
शब्दांनाही नि:शब्द करणारा,
अबोल लाजर्‍या फुलांना...
हजार जिभा देणारा...!


मस्तच विशालदा.. :)

उर्मी म्हणाले...

classic one!!!

Gangadhar Mute म्हणाले...

सुरेख कविता.